Sahihu i Buhariut — Hadithi 5554
7. Nënkapitulli: Pejgamberi ﷺ theri kurban dy desh me brirë, tregohet se kanë qenë të shëndoshë.
Jahja ibn Seidi ka thënë: "E kam dëgjuar Ebu Umame ibn Sehlin të thotë: "Teksa ishim në Medinë, i trashnim kurbanet. Kështu vepronin të gjithë muslimanët."
5554. Nga: Enes ibn Malik Ensariu
Kutejbe ibn Seidi na ka thënë: Na ka treguar Abdulvehabi nga Ejubi, e ky nga Ebu Kilabe se Enesi (Allahu qoftë i kënaqur me të!) tregon: “I Dërguari i Allahut ﷺ shkoi te dy desh të larmë me brirë dhe i theri me dorën e vet.”
Transmetimin e Abdulvehabit e fuqizon Vuhejbi nga Ejubi. Ndërkaq, Ismaili dhe Hatim ibn Verdani e transmetojnë nga Ejubi, e ky nga Ibn Sirini, e ky nga Enesi.