Sahihu i Buhariut — Hadithi 5585
4. Nënkapitulli: Alkooli i prodhuar prej mjaltit
Mani tregon: "E kam pyetur Malik ibn Enesin për fukanë (lëng prej rrushit të thatë ose prej diçkaje tjetër), e në atë rast ai më ka thënë: "Nëse nuk deh, nuk ka problem të pihet." Ibn Deraverdi tregon: "I patëm pyetur (dijetarët) për të (fukanë) dhe na patën thënë: "Ai nuk deh, andaj nuk ka problem të pihet."
5585. Nga: Aishe bint Ebu Bekri
Abdullah ibn Jusufi na ka thënë: Na ka rrëfyer Maliku nga Ibn Shihabi, e ky nga Ebu Seleme ibn Abdurrahmani se Aishja (Allahu qoftë i kënaqur me të!) tregon: “I Dërguari i Allahut ﷺ u pyet për mushtin e prodhuar prej mjaltit, e në atë rast tha: “Çdo pije dehëse është haram.”