Sahihu i Buhariut — Hadithi 5598
10. Nënkapitulli: Badheku (lloj alkooli)
Ai që e bën të ndaluar çdo pije dehëse. Omeri, Ebu Ubejde dhe Muadhi ishin të mendimit për tilanë (lloj pijeje prej rrushi prej së cilës, pas zierjes, ngel vetëm një e treta) se lejohet të pihet nëse ka ngelur vetëm një e treta. Berai dhe Ebu Xhuhejfe e kanë pirë, edhe nëse pas zierjes ka ngelur vetëm gjysma. Ibn Abasi ka thënë: "Pije lëngun për sa kohë që është i freskët (i pafermentuar)." Omeri ka thënë: "Pata nuhatur tek Ubejdullahu erën e një pijeje teksa po e merrja në pyetje. Po të ishte pije dehëse, do ta dënoja."
5598. Nga: Abdullah ibn Abasi
Muhamed ibn Kethiri na ka thënë: Na ka rrëfyer Sufjani se Ebu Xhuvejriu tregon: “E pyeta Ibn Abasin (Allahu qoftë i kënaqur me të!) për badhekun, e ai m'u përgjigj: “Muhamedi ﷺ tanimë i ka paraprirë gjykimit për badhekun kur ka thënë: “Çdo pije dehëse është haram.”
Ibn Abasi shtoi: “Pije është ajo që është hallall dhe e mirë, e pas hallallit të mirë ka vetëm haram të ndytë.”
Referenca: Sahihu i Buhariut 5598
Fjalë të panjohura?