Sahihu i Buhariut — Hadithi 5604
12. Nënkapitulli: Pirja e qumështit
Fjala e Allahut të Madhëruar: “... mes ushqimit të tyre dhe gjakut, ju japim të pini qumësht të pastër, të shijshëm (të lehtë) për ata që e pinë.” (Nahl, 66)
5604. Nga: Umu Fadël bint Harithi
Humejdiu na ka treguar se e ka dëgjuar Sufjanin, e këtij i ka rrëfyer Salim Ebu Nadri, e ky e ka dëgjuar Umejrin, të çrobëruarin e Umu Fadlit, se Umu Fadli (Allahu qoftë i kënaqur me të!) tregon: “Ditën e Arafatit njerëzit dyshonin se i Dërguari i Allahut ﷺ ishte agjërueshëm. Andaj, Pejgamberit ﷺ i çova një enë me qumësht, të cilën ai e piu.”
Ka mundësi që Sufjani ka transmetuar (si në vijim): “Ditën e Arafatit njerëzit dyshonin se i Dërguari i Allahut ﷺ ishte agjërueshëm, andaj Umu Fadli i dërgoi diçka (qumështin). Kur mbërriti tek ai, i tha: “E ke nga Umu Fadli.”