Sahihu i Buhariut — Hadithi 5638
30. Nënkapitulli: Pirja në tasin dhe enët e Pejgamberit ﷺ
Ebu Burde tregon: "Abdullah ibn Selami më tha mua: "A të të shërbej me tasin në të cilin ka pirë Pejgamberi ﷺ?"
5638. Nga: Enes ibn Malik Ensariu
Hasen ibn Mudriku na ka thënë: Më ka treguar Jahja ibn Hamadi, e këtij i ka rrëfyer Ebu Avane se Asim Ahveli tregon: “E kam parë tasin e Pejgamberit ﷺ tek Enes ibn Maliku, i cili ishte çarë, andaj ai e kishte riparuar me ca copëza argjendi. Ishte tas i mirë dhe i gjerë prej druri.”
Asimi tregon se Enesi (Allahu qoftë i kënaqur me të!) ka thënë: “Me këtë tas i kam shërbyer ujë të Dërguarit të Allahut ﷺ shumë herë.”
Ibn Sirini tregon: “Tasi kishte një unazë prej hekuri, të cilin Enesi deshi ta zëvendësojë me një prej ari ose argjendi, por Ebu Talhai i tha: “Mos e ndrysho atë që e ka punuar i Dërguari i Allahut ﷺ.” Andaj, Enesi e la ashtu.”