Sahihu i Buhariut — Hadithi 5643
1. Nënkapitulli: Transmetimet që kanë ardhur për sëmundjen si shpagim për mëkatet
Allahu i Madhëruar ka thënë: “... kushdo që bën një të keqe, do të ndëshkohet për të...” (Nisa, 123)
5643. Nga: Kab ibn Malik Ensariu
Musededi na ka thënë: Na ka treguar Jahjai nga Sufjani, e ky nga Sadi, e ky nga Abdullahu, i biri i Kabit, se babai i tij Kab ibn Maliku (Allahu qoftë i kënaqur me të!) transmeton se Pejgamberi ﷺ ka thënë: “Besimtari i shëmbëllen bimës së njomë: nganjëherë era e lakon atë, nganjëherë e drejton. Ndërkaq, hipokriti i shëmbëllen bredhit: qëndron i palakuar, por, kur shkulet, shkulet përnjëherësh.”
Zekerija ka thënë: “Më ka treguar Sadi, e këtij i ka treguar i biri i Kabit nga babai i tij Kabi, e ky nga Pejgamberi ﷺ.”
Referenca: Sahihu i Buhariut 5643
Fjalë të panjohura?