Sahihu i Buhariut — Hadithi 5783
1. Nënkapitulli: Fjala e Allahut të Madhëruar: “Thuaj: “Kush i ndaloi bukuritë që Allahu i krijoi për robërit e vet?”
Pejgamberi ﷺ ka thënë: “Hani, pini, vishuni dhe jepni sadaka, pa e tepruar dhe pa mendjemadhësi.” Ibn Abasi ka thënë: "Ha çka të duash, vish çka të duash, por largoju këtyre dyjave: teprimit dhe mendjemadhësisë."
5783. Nga: Abdullah ibn Omeri
Ismaili na ka thënë: Na ka treguar Maliku, e këtij i ka treguar Nafiu, Abdullah ibn Dinari dhe Zejd ibn Eslemi se Ibn Omeri (Allahu qoftë i kënaqur me ta!) transmeton se i Dërguari i Allahut ﷺ ka thënë: “Allahu nuk do ta shikojë (Ditën e Kiametit) atë që e tërheq zvarrë rrobën e tij nga mendjemadhësia.”