Sahihu i Buhariut — Hadithi 5838
28. Nënkapitulli: Veshja e kasijit
Asimi transmeton nga Ebu Burde se ka thënë: "E pyeta Aliun: "Ç'është kasiji?" Më tha: "Rroba që na kanë ardhur prej Shamit ose prej Egjiptit, me vija prej mëndafshi dhe me figura të ngjashme me qitrot. Kurse byrde quhej ajo që gratë e thurnin për burrat e tyre, sikur kadife, të cilat i shtronin për t'u ulur mbi to. Xheriri, duke transmetuar hadithin e Jezidit, thotë: "Kasiji është rrobë me vija prej mëndafshi që vinte prej Egjiptit, kurse byrdeja është prej lëkurës së egërsirave." Ebu Abdullahu (Buhariu) thotë: "Fjala e Asimit ka ardhur me më shumë rrugë dhe është më e saktë."
5838. Nga: Bera ibn Azibi
Muhamed ibn Mukatili na ka thënë: Na ka rrëfyer Abdullahu, e këtij i ka rrëfyer Sufjani, e ky nga Eshath ibn Ebu Shaëthai, e këtij i ka treguar Muaviu ibn Suvejd ibn Mukarrini se Bera ibn Azibi (Allahu qoftë i kënaqur me të!) ka thënë: “Pejgamberi ﷺ na ka ndaluar shalën (shtrojën) e kuqe të mëndafshtë dhe veshjet e mëndafshta.”