Sahihu i Buhariut — Hadithi 5942
85. Nënkapitulli: Ajo që ia zgjat flokët tjetrës (me flokë të tjerë)
5942. Nga: Abdullah ibn Omeri
Jusuf ibn Musai më ka thënë: Na ka treguar Fadël ibn Dukejni, e këtij i ka treguar Sahr ibn Xhuvejriu, e ky nga Nafiu se Abdullah ibn Omeri (Allahu qoftë i kënaqur me ta!) transmeton se Pejgamberi ﷺ ka thënë: “Allahu i mallkoftë ato që ua bëjnë tatuazhin tjetrës dhe ato që kërkojnë t'u bëhet tatuazhi, si dhe ato që ia zgjasin (vazhdojnë) flokët tjetrës (me flokë të tjerë) dhe ato që kërkojnë t'u zgjaten flokët e tyre!” Pra, Pejgamberi ﷺ i ka mallkuar.