Sahihu i Buhariut — Hadithi 5970
1. Nënkapitulli: Bamirësia dhe mbajtja e lidhjeve
Fjala e Allahut Lavdiplotë: “Ne e kemi porositur njeriun të sillet mirë ndaj prindërve të vet...” (Ankebut, 8)
5970. Nga: Abdullah ibn Mesudi
Ebu Velidi na ka thënë: Na ka treguar Shuëbe, e këtij i ka rrëfyer Velid ibn Ajzeri, e ky e ka dëgjuar Ebu Amër Shejbaniun, e këtij i ka rrëfyer pronari i kësaj shtëpie, i cili bëri me shenjë nga shtëpia e Abdullahut, e në atë rast Abdullah ibn Mesudi (Allahu qoftë i kënaqur me ta!) thotë: “E pyeta Pejgamberin ﷺ:
- Cila vepër është më e dashur tek Allahu i Lartësuar?
- “Namazi që falet në kohën e vet”, - u përgjigj ai.
- Pastaj cila?
- “Pastaj mirësjellja me prindërit”, - tha Pejgamberi ﷺ.
- Pastaj cila?
- “Lufta në rrugën e Allahut.”
Abdullahu thotë: “M'i tregoi këto dhe, sikur ta pyesja më shumë, do të më tregonte edhe më tepër.”