Sahihu i Buhariut — Hadithi 5975
6. Nënkapitulli: Mosrespektimi i prindërve është ndër mëkatet e mëdha
Këtë e transmeton edhe Abdullah ibn Amri nga Pejgamberi ﷺ.
5975. Nga: Mugire ibn Shuëbe
Sad ibn Hafsi na ka thënë: Na ka treguar Shejbani, e ky nga Mensuri, e ky nga Musejebi, e ky nga Verradi se Mugire (Allahu qoftë i kënaqur me të!) transmeton se Pejgamberi ﷺ ka thënë: “Allahu jua ka bërë haram mosrespektimin e nënave, privimin e të tjerëve nga pasuria dhe lypjen pa të drejtë, varrosjen e bijave për së gjalli, si dhe urren për ju thashethemet, të pyeturit e shumtë dhe shpërdorimin e pasurisë.”