Sahihu i Buhariut — Hadithi 6016
29. Nënkapitulli: Mëkati i atij njeriu, fqinji i të cilit nuk ndihet i sigurt prej të këqijave të tij
“Ose i shkatërron ata për shkak të asaj që vepruan, e për shumë të tjera Ai i fal.” (Shura, 34) “... Ne ua shkatërruam lidhjet ndërmjet vete.” (Kehf, 52)
6016. Nga: Ebu Shurejh Adeviu
Asim ibn Aliu na ka thënë: Na ka treguar Ibn Ebu Dhiëbi, e ky nga Seidi se Ebu Shurejhu (Allahu qoftë i kënaqur me të!) transmeton se Pejgamberi ﷺ ka thënë: “Betohem në Allahun se nuk ka besuar! Betohem në Allahun se nuk ka besuar! Betohem në Allahun se nuk ka besuar!” I thanë: “Kush, o i Dërguari i Allahut?” Tha: “Ai (besimtar), fqinji i të cilit nuk ndihet i sigurt prej të këqijave të tij.”
Transmetimin e Asim ibn Aliut e fuqizojnë Shebabe dhe Esed ibn Musai, ndërkaq Humejd ibn Esvedi, Othman ibn Omeri, Ebu Bekër ibn Ajashi dhe Shuajb ibn Is'haku transmetojnë nga Ibn Ebu Dhiëbi, e ky nga Makburi, e ky nga Ebu Hurejra.
Referenca: Sahihu i Buhariut 6016
Fjalë të panjohura?