Sahihu i Buhariut — Hadithi 6022
33. Nënkapitulli: Çdo punë e mirë është lëmoshë
6022. Nga: Ebu Musa Eshariu
Ademi na ka thënë: Na ka treguar Shuëbe, e këtij i ka treguar Seid ibn Ebu Burde ibn Ebu Musa Eshariu, e ky nga babai i vet se gjyshi i vet Ebu Musa Eshariu (Allahu qoftë i kënaqur me të!) transmeton se Pejgamberi ﷺ ka thënë: “Çdo musliman duhet të japë sadaka.”
- Të pranishmit pyetën: “Po ai që nuk ka?”
- “Punon me duart e veta, i bën dobi vetes dhe jep sadaka”, - tha ai.
- Po nëse nuk ka mundësi, ose nuk punon? - pyetën.
- “E ndihmon nevojtarin e vuajtur”, - iu përgjigj ai.
- Po nëse nuk ka mundësi? - pyetën.
- “Le të urdhërojë për të mirë” - ose ka thënë: “për punë të mira!”, - iu përgjigj ai.
- Po nëse nuk e bën? - pyetën.
- “Le të ndalet prej së keqes, kjo është sadaka për të”, - tha Pejgamberi ﷺ.