Sahihu i Buhariut — Hadithi 6033
39. Nënkapitulli: Sjellja e mirë, bujaria dhe ca gjëra të urryera në lidhje me koprracinë
Ibn Abasi ka thënë: "I Dërguari i Allahut ﷺ ka qenë njeriu më bujar. Bujaria e tij arrinte kulmin gjatë Ramazanit. Ebu Dherri tregon se, kur mori vesh për vendndodhjen e Pejgamberit ﷺ gjatë zbritjes së shpalljes, i tha vëllait të vet: "Shko në atë luginë dhe dëgjo ndonjë gjë prej fjalëve të tij! Kur u kthye, ai tha: "E pashë duke urdhëruar për moralet e larta."
6033. Nga: Enes ibn Malik Ensariu
Amër ibn Avniu na ka thënë: Na ka treguar Hamad ibn Zejdi, e ky nga Thabiti se Enesi (Allahu qoftë i kënaqur me të!) tregon: “Pejgamberi ﷺ ka qenë njeriu më i mirë, më bujari dhe më trimi.”
Një natë, banorët e Medinës i kaploi një panik, kështu që njerëzit u nisën në drejtim të zhurmës që dëgjuan. Pejgamberi ﷺ u kishte paraprirë atyre për te zhurma, andaj, kur i takoi, u tha: “Mos u frikësoni! Mos u frikësoni!” Ai qëndronte mbi një kalë të pashaluar të Ebu Talhait, në qafë kishte varur shpatën dhe tha: “Qenka kalë i furishëm si deti!”