Sahihu i Buhariut — Hadithi 6076
62. Nënkapitulli: Bojkotimi
Fjala e Pejgamberit ﷺ: “Nuk i lejohet një njeriu ta bojkotojë vëllanë e tij më tepër se tri ditë.”
6076. Nga: Enes ibn Malik Ensariu
Abdullah ibn Jusufi na ka thënë: Na ka rrëfyer Maliku, e ky nga Ibn Shihabi se Enes ibn Maliku (Allahu qoftë i kënaqur me të!) transmeton se i Dërguari i Allahut ﷺ ka thënë: “Mos e urreni njëri-tjetrin, mos kini zili dhe mos ia ktheni shpinën njëri-tjetrit. Bëhuni robër të Allahut, vëllezër! Muslimanit nuk i lejohet ta bojkotojë vëllanë e tij më tepër se tri ditë.”