Sahihu i Buhariut — Hadithi 6099
71. Nënkapitulli: Durimi ndaj fyerjeve
Allahu i Lartësuar ka thënë: “... ndërsa të durueshmëve u jepet shpërblimi i tyre pa masë!” (Zumer, 10)
6099. Nga: Ebu Musa Eshariu
Musededi na ka thënë: Na ka treguar Jahja ibn Seidi, e ky nga Sufjani, e këtij i ka treguar Ameshi, e ky nga Seid ibn Xhubejri, e ky nga Ebu Abdurrahman Sulemiu se Ebu Musai (Allahu qoftë i kënaqur me të!) transmeton se Pejgamberi ﷺ ka thënë: “Asgjë, - ose ka thënë: - Askush nuk është më durimtar se Allahu ndaj fyerjeve që i dëgjon: i përshkruajnë Atij fëmijë, ndërkohë Ai vazhdon t'i begatojë dhe t'i furnizojë.”