Sahihu i Buhariut — Hadithi 6138
85. Nënkapitulli: Ta nderosh mysafirin dhe t’i bësh hyzmet personalisht
Allahu i Lartësuar ka thënë: “... mysafirët e ndershëm të Ibrahimit.” (Dharijat, 24)
6138. Nga: Ebu Hurejra
Abdullah ibn Muhamedi na ka thënë: Na ka treguar Hishami, e këtij i ka rrëfyer Mameri, e ky nga Zuhriu, e ky nga Ebu Seleme se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë:
“Kush e beson Allahun dhe Ditën e Fundit, le ta nderojë mysafirin e tij.
Kush e beson Allahun dhe Ditën e Fundit, le t'i mbajë lidhjet farefisnore.
Kush e beson Allahun dhe Ditën e Fundit, le të flasë mirë ose le të heshtë!”