Sahihu i Buhariut — Hadithi 6169
96. Nënkapitulli: Shenja e dashurisë për hir të Allahut, përkitazi me fjalën e të Lartësuarit: “Nëse e doni Allahun, atëherë pasomëni mua, që Allahu t’ju dojë!”
6169. Nga: Abdullah ibn Mesudi
Kutejbe ibn Seidi na ka thënë: Na ka treguar Xheriri, e ky nga Ameshi, e ky nga Ebu Vaili se Abdullah ibn Mesudi (Allahu qoftë i kënaqur me ta!) tregon: “Një burrë erdhi tek i Dërguari i Allahut ﷺ dhe i tha: “O i Dërguari i Allahut, çfarë thua për një njeri që do dikë, por nuk e arrin dot (në mirësi)?” I Dërguari i Allahut ﷺ tha: “Njeriu do të jetë me atë që e do.”
Transmetimin e Xheririt e fuqizojnë Xherir ibn Hazimi, Sulejman ibn Karmi dhe Ebu Avane, nga Ameshi, e ky nga Ebu Vaili, e ky nga Abdullahu, e ky nga Pejgamberi ﷺ.”