Sahihu i Buhariut — Hadithi 6249
16. Nënkapitulli: Burrat i përshëndesin gratë me selam e edhe ato i përshëndesin burrat
6249. Nga: Aishe bint Ebu Bekri
Ibn Mukatili na ka thënë: Na ka rrëfyer Abdullahu, e këtij i ka rrëfyer Mameri, e ky nga Zuhriu, e ky nga Ebu Seleme ibn Abdurrahmani se Aishja (Allahu qoftë i kënaqur me të!) transmeton se i Dërguari i Allahut ﷺ iu drejtua asaj: “Oj Aishe, Xhibrili po të jep selam.” Aishja iu përgjigj: “Edhe mbi të qoftë paqja dhe mëshira e Allahut! Ti sheh gjëra që ne nuk i shohim”, - kishte për qëllim të Dërguarin e Allahut ﷺ.
Junusi dhe Numani kanë transmetuar nga Zuhriu (se Aishja ka shtuar): “... dhe bekimi i Tij.”
Transmetimin e fuqizon Shuajbi.