Sahihu i Buhariut — Hadithi 6255
21. Nënkapitulli: Kur dikush nuk i jep selam atij që ka bërë mëkat e as ia kthen selamin, derisa të vërtetohet pendimi i tij, si dhe sa kohë kërkohet për t'u vërtetuar pendimi i mëkatarit?
Abdullah ibn Amri ka thënë: "Mos u jepni selam atyre që pinë alkool."
6255. Nga: Kab ibn Malik Ensariu
Ibn Bukejri na ka thënë: Na ka treguar Lejthiu, e ky nga Ukajli, e ky nga Ibn Shihabi, e ky nga Abdurrahman ibn Abdullahu, e këtij i ka treguar Abdullah ibn Kabi se Kab ibn Maliku (Allahu qoftë i kënaqur me të!), duke rrëfyer për mospjesëmarrjen në Betejën e Tebukut, thoshte: “I Dërguari i Allahut ﷺ ua ndaloi që të na flisnin. Shkoja tek i Dërguari i Allahut ﷺ, i jepja selam dhe thosha me vete: “A i lëvizi buzët për të ma kthyer selamin apo jo?” Kështu ngjau derisa kaluan pesëdhjetë net. Paskëtaj, Pejgamberi ﷺ, pas namazit të sabahut, lajmëroi se Allahu na e kishte pranuar pendimin.”