Sahihu i Buhariut — Hadithi 6288

Allahu i Madhëruar ka thënë: “O ju që keni besuar, kur i pëshpëritni njëri-tjetrit, mos pëshpëritni për gjëra që janë mëkat, armiqësi dhe kundërshti ndaj Pejgamberit, por pëshpëritni për bamirësi e devotshmëri, dhe frikësojuni Allahut tek i Cili do të tuboheni. Bisedat e fshehta vijnë nga djalli, për t’i dëshpëruar besimtarët; por ai nuk mund t’ju shkaktojë kurrfarë të keqeje, përveç nëse Allahu e lejon atë (dëm). Por, besimtarët, le të mbështeten (vetëm) tek Allahu! (Muxhadele, 9-10) Po ashtu, Ai ka thënë: “O ju që keni besuar, kur dëshironi të bisedoni me të Dërguarin, jepni një sadaka para bisedës suaj. Kjo është për ju më e pastër; e nëse nuk keni çka të jepni, Allahu është Falës dhe Mëshirues. A mos po frikoheni që para këshillimit tuaj të jepni lëmoshë?! E nëse nuk jepni, e Allahu ju ka falur, atëherë kryeni namazin dhe jepeni zekatin dhe dëgjoni Allahun dhe të Dërguarin e Tij. Allahu di çdo gjë që punoni.” (Muxhadele, 12-13)