Sahihu i Buhariut — Hadithi 6352
31. Nënkapitulli: Lutja për bereqet për fëmijët dhe përkëdhelja e kokës së tyre
Ebu Musai tregon: "Më lindi një fëmijë dhe Pejgamberi ﷺ u lut për bereqet për të."
6352. Nga: Saib ibn Jezidi
Kutejbe ibn Seidi na ka thënë: Na ka treguar Hatimi, e ky nga Xhad ibn Abdurrahmani se Saib ibn Jezidi (Allahu qoftë i kënaqur me të!) ka thënë: “Tezja ime më dërgoi tek i Dërguari i Allahut ﷺ, të cilit i tha: “O i Dërguari i Allahut, djali i motrës sime është i sëmurë.” Pejgamberi ﷺ ma lëmoi kokën dhe u lut për mua për bekim, pastaj mori abdes dhe unë piva nga uji i mbetur. Dola mbrapa shpinës së tij dhe mes dy shpatullave ia pashë vulën e pejgamberisë në formë të vezës së pëllumbit.”