Sahihu i Buhariut — Hadithi 6360
33. Nënkapitulli: A i dërgohet salavat dikujt tjetër përveç Pejgamberit ﷺ?
Allahu i Madhëruar ka thënë: “... Lutu për ta, sepse lutja jote është vërtet qetësim për ata...” (Teube, 103)
6360. Nga: Ebu Humejd Saidiu
Abdullah ibn Mesleme transmeton nga Maliku, e ky nga Abdullah ibn Ebu Bekri, e ky nga babai i tij, e ky nga Amër ibn Sulejm Zurakiu se Ebu Humejd Saidiu (Allahu qoftë i kënaqur me të!) tregon se sahabët e pyetën Pejgamberin ﷺ: “O i Dërguari i Allahut, si të bëjmë salavat për ty?” Pejgamberi ﷺ u tha: “Thoni: “Allahume sali ala Muhamedin ve ezvaxhihi ve dhurrijetihi kema salejte ala ali Ibrahime, ve barik ala Muhamedin ve ezvaxhihi ve dhurrijetihi kema barekte ala ali Ibrahime, ineke Hamidun Mexhid (O Allah, dërgo salavat mbi Muhamedin, gratë dhe pasardhësit e tij siç ke dërguar salavat mbi familjen e Ibrahimit, si dhe bekoje Muhamedin, gratë dhe pasardhësit e tij siç ke bekuar familjen e Ibrahimit! Ti je i Falënderuar dhe i Lartësuar)!”