Sahihu i Buhariut — Hadithi 6418
4. Nënkapitulli: Shpresa për jetë të gjatë
Allahu i Madhëruar ka thënë: “... E kush i shmanget Zjarrit dhe futet në Xhenet, ai ka fituar, e jeta e kësaj bote nuk është tjetër pos një përjetim mashtrues.” (Ali Imran, 185) Po ashtu, Ai ka thënë: “Lëri ata, të hanë, të dëfrehen dhe t’i preokupojë shpresa (për këtë botë), e më vonë do të kuptojnë.” (Hixhër, 3) Ali ibn Ebu Talibi ka thënë: "Dynjaja po na e kthen shpinën, kurse ahireti po vjen drejt nesh. Secila prej këtyre i ka bijtë e vet, andaj bëhuni bijë të ahiretit e mos u bëni bijë të dynjasë, sepse sot ka vetëm punë e jo llogaritje, kurse nesër ka llogaritje e nuk ka punë."
6418. Nga: Enes ibn Malik Ensariu
Muslimi na ka thënë: Na ka treguar Hemami, e ky nga Is'hak ibn Abdullah ibn Ebu Talhai se Enesi (Allahu qoftë i kënaqur me të!) tregon se Pejgamberi ﷺ vizatoi ca vija dhe tha: “Kjo është shpresa (për jetë të gjatë), kurse kjo tjetra është vdekja e tij. Andaj, duke qenë në këtë gjendje (shprese), papritmas atë e godet vija më e afërt (vdekja).”
Referenca: Sahihu i Buhariut 6418
Fjalë të panjohura?