Sahihu i Buhariut — Hadithi 6420
5. Nënkapitulli: Ai që i ka mbushur gjashtëdhjetë vjet, Allahu tashmë i ka dhënë mjaft jetë për të mos i lënë vend për arsyetim
Allahu i Madhëruar ka thënë: “... Vallë, a nuk ju kemi dhënë Ne jetë, aq sa të marrë mësim ai që e ka pasur ndërmend të marrë mësim, e juve madje, ju pat ardhur paralajmëruesi...” (Fatir, 37) * - Paralajmëruesi: është për qëllim thinja e flokut.
6420. Nga: Ebu Hurejra
Ali ibn Abdullahu na ka thënë: Na ka treguar Ebu Safvan Abdullah ibn Seidi, e këtij i ka treguar Junusi, e ky nga Ibn Shihabi, e këtij i ka rrëfyer Seid ibn Musejebi se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Zemra e plakut mbetet e re për dy gjëra:
1. Dashurinë për dynjanë dhe
2. Shpresën e gjatë (për jetë).”
Lejthiu ka thënë: “Më ka treguar Junusi, - si dhe Ibn Vehbiu nga Junusi, - nga Ibn Shihabi, i cili ka thënë: “Më ka rrëfyer Seidi dhe Ebu Seleme.”
Referenca: Sahihu i Buhariut 6420
Fjalë të panjohura?