Sahihu i Buhariut — Hadithi 6433
8. Nënkapitulli: Ajeti: “O ju njerëz, s’ka dyshim se premtimi i Allahut është i vërtetë, pra të mos ju mashtrojë jeta e kësaj bote dhe të mos ju mashtrojë ndaj Allahut i mashtruari (shejtani). Shejtani është armik juaji, pra edhe ju konsiderojeni armik, ai e thërret atë grupin e vet, vetëm për t’i bërë banues të Zjarrit.”
6433. Nga: Othman ibn Afani
Sad ibn Hafsi na ka thënë: Na ka treguar Shejbani, e ky nga Jahjai, e ky nga Muhamed ibn Ibrahim Kureshiu, e këtij i ka rrëfyer Muadh ibn Abdurrahmani se Humran ibn Ebani tregon: “Othman ibn Afanit (Allahu qoftë i kënaqur me të!) i solla një enë me ujë teksa ai ishte ulur në Mekaid (vend në Medinë). Ai mori abdes mirë, pastaj tha: “E kam parë Pejgamberin ﷺ duke marrë abdes në këtë vend dhe, pasi e përsosi abdesin, tha: “Atij që merr abdes në këtë formë, pastaj shkon në xhami, i fal dy rekate dhe qëndron aty, i falen mëkatet e kaluara.” Po ashtu, Pejgamberi ﷺ tha: “Mos u mashtroni!”