Sahihu i Buhariut — Hadithi 6441
11. Nënkapitulli: Fjala e Pejgamberit ﷺ: “Kjo pasuri është e hijshme (e bukur për sy) dhe e ëmbël.”
Fjala e Allahut të Madhëruar: “U është hijeshuar njerëzve lakmia ndaj grave, fëmijëve, arit dhe argjendit të grumbulluar, kuajve të bukur, bagëtive dhe të lashtave. Këto janë kënaqësitë e kësaj jete; por tek Allahu është vendi më i bukur për t'u kthyer.” (Ali Imran, 14) Omeri ka thënë: "O Allah, ne nuk mund të mos i gëzohemi asaj që na e ke zbukuruar, ndaj të lutem, o Allah, që pasurinë ta shpenzoj drejt!"
6441. Nga: Hakim ibn Hizami
Ali ibn Abdullahu na ka thënë: Na ka treguar Sufjani, e ky e ka dëgjuar Zuhriun, e këtij i ka rrëfyer Urve dhe Seid ibn Musejebi se Hakim ibn Hizami (Allahu qoftë i kënaqur me të!) tregon: “I lypa Pejgamberit ﷺ e ai më dha. I lypa sërish, sakaq sërish më dha. E, kur i lypa për herë të tretë, ai prapë më dha e më tha: “O Hakim, pasuria është jeshil dhe e ëmbël. Atij që e merr me zemërgjerësi, i ka bereqet. Ndërkaq, atij që e merr me makutëri, nuk i ka bereqet, sikurse ai që ha e nuk ngopet. Dora e sipërme është më e mirë se dora e shtrirë.”