Sahihu i Buhariut — Hadithi 6446

Allahu i Madhëruar ka thënë: “A mos mendojnë ata që Ne duke u ndihmuar atyre me pasuri dhe djem, po nxitojmë nga të mirat e tyre?! Kurrsesi, por ata nuk vërejnë. Me të vërtetë, ata që prej frikës së madhe ndaj Zotit të tyre, frikësohen (nga dënimi i Tij), dhe ata që besojnë në argumentet e Zotit të tyre, dhe ata që nuk i bëjnë shok Zotit të tyre, dhe ata që japin nga ajo që u është dhënë, e zemrat i kanë të frikësuara, meqë do të kthehen te Zoti i tyre, - ata nxitojnë në vepra të mira dhe për to i kalojnë të tjerët. Ne askënd nuk e ngarkojmë përtej mundësive të tij; te Ne është Libri që flet të vërtetën, dhe askujt nuk do t’i bëhet padrejtësi. Por, zemrat e mohuesve janë të pakujdesshme ndaj kësaj (Kuranit), e ata kanë punë të tjera më të këqija se këto që i bëjnë.” (Muminun, 55-63) Ibn Ujejne ka thënë: "Punë të tjera më të këqija" janë për qëllim veprat që ata ende nuk i kanë bërë, porse do t’i bëjnë gjithsesi.