Sahihu i Buhariut — Hadithi 6596
2. Nënkapitulli: Lapsi është tharë (ka mbaruar shkrimi i kaderit) në përputhshmëri me diturinë e Allahut
Allahu Fuqiplotë ka thënë: “... të cilin Allahu, duke e njohur për të tillë, e ka shpënë në humbje...” (Xhathije, 23) Ebu Hurejra ka thënë: "Pejgamberi ﷺ më ka thënë: “Lapsi është tharë (është caktuar kaderi) për atë që ti do ta gjesh.” Ibn Abasi, në lidhje me ajetin: “... ata garojnë për të...”, (Muminun, 61) ka thënë: "Atyre (me kader) u parapriu lumturia."
6596. Nga: Imran ibn Husajni
Ademi na ka thënë: Na ka treguar Shuëbe, e këtij i ka treguar Jezid Rrishku, e ky e ka dëgjuar Mutarrif ibn Abdullah ibn Shihirrin se Imran ibn Husajni (Allahu qoftë i kënaqur me të!) tregon se një njeri pyeti: “O i Dërguari i Allahut, a dallohen banorët e Xhenetit nga banorët e Zjarrit?”
- “Po”, - iu përgjigj ai.
- E për çfarë të punojnë njerëzit, pra? - e pyeti.
- “Secili punon për atë që është krijuar - ose ka thënë: për atë që i është lehtësuar”, - iu përgjigj Pejgamberi ﷺ.”