Sahihu i Buhariut — Hadithi 6612
9. Nënkapitulli: “Dhe e pamundur është që banorët e një vendi, të cilët i kemi zhdukur Ne, të mos kthehen (te Ne, në Ditën e Kiametit).”
“Nuk do të besojë më askush nga populli yt, përveç atyre që kanë besuar (deri më tash)...” (Hud, 36) “… dhe do të lindin vetëm kriminelë dhe jobesimtarë!” (Nuh, 27)
6612. Nga: Abdullah ibn Abasi
Mahmud ibn Gajlani më ka thënë: Na ka treguar Abdurrezaku, e këtij i ka rrëfyer Mameri, e ky nga Ibn Tavusi, e ky nga babai i tij se Ibn Abasi (Allahu qoftë i kënaqur me të!) tregon: “Nuk kam dëgjuar diçka që e shpjegon lememin (mëkatin e vogël) më mirë sesa fjala e Ebu Hurejrës, i cili transmeton se Pejgamberi ﷺ ka thënë: “Allahu ia ka përcaktuar të birit të Ademit hisen e tij në zina, e cila do ta gjejë medoemos. Zinaja e syrit është të shikuarit (në haram), zinaja e gjuhës është të folurit (për haram), ndërkohë shpirti dëshiron dhe lakmon, ndërsa organi gjenital thjesht e miraton tërë këtë ose e përgënjeshtron.”
Shebabe ka thënë: “Na ka treguar Verkai nga Ibn Tavusi, e ky nga babai i tij, e ky nga Ebu Hurejra, e ky nga Pejgamberi ﷺ.”