Sahihu i Buhariut — Hadithi 6616
13. Nënkapitulli: Ai që kërkon mbrojtjen e Allahut nga gjërat që çojnë në shkatërrim dhe nga caktimi që dëmton
Allahu i Madhëruar ka thënë: “Thuaj: "Kërkoj mbrojtjen nga Zoti i agimit prej të keqes së çdo krijese që Ai e krijoi.” (Felek, 1-2)
6616. Nga: Ebu Hurejra
Musededi na ka thënë: Na ka treguar Sufjani, e ky nga Sumeji, e ky nga Ebu Salihu se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Kërkoni Allahut mbrojtje nga belaja, nga gjërat që çojnë në përfundim të keq, nga caktimi që dëmton dhe nga gëzimi i armikut (me fatkeqësinë tuaj).”