Sahihu i Buhariut — Hadithi 6619
15. Nënkapitulli: “Thuaj: “Do të na godasë vetëm ajo që na ka caktuar Allahu.”
Muxhahidi, përkitazi me shprehjen ﴾بِفَاتِنِينَ﴿ 'fatinine', ka thënë: "Devijues. Kurse, sa i përket ajetit në fjalë, ka thënë: "Do të hidhet në Xhahim (Zjarr) vetëm ai që Allahu ia ka caktuar. ﴾قَدَّرَ فَهَدَى﴿ 'ka caktuar dhe ka udhëzuar', domethënë: "Ka caktuar të qenët fatkeq (në Zjarr) apo i lumtur (në Xhenet), rrjedhimisht, edhe kafshët i ka udhëzuar drejt kullosave të tyre..."
6619. Nga: Aishe bint Ebu Bekri
Is'hak ibn Ibrahim Handhaliu më ka thënë: Na ka rrëfyer Nadri, e këtij i ka treguar Davud ibn Ebu Furati, e ky nga Abdullah ibn Burejde, e ky nga Jahja ibn Jameri se Aishja (Allahu qoftë i kënaqur me të!) tregon: “E pyeta të Dërguarin e Allahut ﷺ rreth murtajës, e në atë rast ai më tha: “Murtaja është dënim që Allahu e çon mbi kë të dojë, ndërsa për besimtarët e ka bërë mëshirë. Nëse një besimtar qëllon në një vend ku ka rënë murtaja dhe vazhdon të qëndrojë aty e nuk del prej atij vendi, duke bërë durim dhe duke llogaritur shpërblimin, i bindur se nuk do ta godasë asgjë përveç asaj që Allahu ia ka caktuar, do të shpërblehet sikurse shehidi.”