Sahihu i Buhariut — Hadithi 6638
3. Nënkapitulli: Si betohej Pejgamberi ﷺ?
Sadi tregon se Pejgamberi ﷺ ka thënë: “Betohem në Atë, në Dorën e të Cilit është shpirti im!” Ebu Katade tregon: "Ebu Bekri, në prani të Pejgamberit ﷺ, tha: "Jo, betohem në Allahun! Shprehjet që përdoren për betim janë: vallahi, bilahi dhe tallahi."
6638. Nga: Ebu Dherr Gifariu
Omer ibn Hafsi na ka thënë: Na ka treguar babai im, e këtij i ka treguar Ameshi, e ky nga Mamuri se Ebu Dherri (Allahu qoftë i kënaqur me të!) tregon: “Shkova te Pejgamberi ﷺ, i cili, ulur nën hijen e Qabesë, thoshte: “Ata janë të humburit, për Zotin e Qabesë! Ata janë të humburit, për Zotin e Qabesë!”
Unë e pyeta: “Çka është puna ime? A po sheh diçka tek unë? Çka është puna ime? - pastaj u ula tek ai, ndërkaq ai sërish e thoshte atë, saqë unë nuk mund të heshtja, ndërkohë më kaploi (mërzia) aq sa deshi Allahu, pastaj thashë: “Cilët janë ata, kurban t'u bëfsha me babë e nënë, o i Dërguari i Allahut?”
- “Të pasurit, përveç atyre që japin kështu, kështu e kështu”, - tha Pejgamberi ﷺ.”