Sahihu i Buhariut — Hadithi 6657
9. Nënkapitulli: Ajeti: “Ata u betuan me një betim të fortë në Allahun...”
Ibn Abasi tregon se Ebu Bekri ka thënë: "Për Allahun, o i Dërguari i Allahut, duhet të më tregosh se ku kam gabuar në komentimin e ëndrrës." Ai i tha: “Mos u beto!”
6657. Nga: Harithe ibn Vehb Huzaiu
Muhamed ibn Muthena na ka thënë: Më ka treguar Gunderi, e këtij i ka treguar Shuëbe, e ky nga Mabed ibn Halidi se Harithe ibn Vehbiu (Allahu qoftë i kënaqur me të!) transmeton se Pejgamberi ﷺ ka thënë: “A doni t'ju tregoj për banorët e Xhenetit...? Çdo i dobët e modest, i cili, sikur të betohej në Allahun për diçka, Allahu do t'ia përmbushte betimin. A doni t'ju tregoj për banorët e Zjarrit...? Çdo i vrazhdë, arrogant dhe mendjemadh.”