Sahihu i Buhariut — Hadithi 6661
12. Nënkapitulli: Betimi në krenarinë, në cilësitë dhe në fjalët e Allahut
Ibn Abasi tregon se Pejgamberi ﷺ ka thënë: “Kërkoj strehim me krenarinë Tënde.” Ebu Hurejra tregon se Pejgamberi ﷺ ka thënë: “Një person mbetet mes Xhenetit e Zjarrit dhe thotë: "O Zoti im, largoje fytyrën time nga Zjarri...! Betohem në krenarinë Tënde se nuk do të të kërkoj diçka tjetër!” Ebu Seidi tregon se Pejgamberi ﷺ ka thënë: “Allahu do t'i thotë: "Të gjitha këto dhe dhjetëfishi i tyre të takojnë ty.” Pejgamberi Ejub ka thënë: “Për krenarinë Tënde, nuk ngopem dot nga begatitë e Tua.”
6661. Nga: Enes ibn Malik Ensariu
Ademi na ka thënë: Na ka treguar Shejbani, e këtij i ka treguar Katadja se Enes ibn Maliku (Allahu qoftë i kënaqur me të!) transmeton se Pejgamberi ﷺ ka thënë: “Xhehenemi vazhdon të thotë: “A ka më?” - derisa Zoti i krenarisë ta vërë këmbën e Tij në të, e në atë rast Xhehenemi thotë: “Mjafton! Mjafton, për krenarinë Tënde!” Atëherë, njëra anë e tij do të puthitet me tjetrën.”
Këtë e transmeton edhe Shuëbe nga Katadja.