Sahihu i Buhariut — Hadithi 6666
15. Nënkapitulli: Nëse e thyen betimin me harresë
Allahu i Lartësuar ka thënë: “... Nuk është mëkat për ju, nëse gaboni...” (Ahzab, 5) Po ashtu, Ai ka thënë: “Mos më qorto për atë që kam harruar...” (Kehf, 73)
6666. Nga: Abdullah ibn Abasi
Ahmed ibn Junusi na ka thënë: Na ka treguar Ebu Bekri, e ky nga Abdulaziz ibn Rufeji, e ky nga Atai se Ibn Abasi (Allahu qoftë i kënaqur me të!) tregon se një burrë i tha Pejgamberit ﷺ:
- E kam bërë tavafin e haxhit para se t'i gjuaj guralecët.
- “S'ka gjë”, - tha Pejgamberi ﷺ.
- Unë e kam rruar kokën para se ta ther kurbanin, - tha një tjetër.
- “S'ka gjë.”
- Kam therur kurban para se t'i gjuaj guralecët, - tha tjetri.
- “S'ka gjë”, - iu përgjigj Pejgamberi ﷺ.