Sahihu i Buhariut — Hadithi 6675
16. Nënkapitulli: Betimi i rrejshëm
“Mos i përdorni betimet tuaja për të mashtruar njëri-tjetrin, që të mos rrëshqisni jashtë rrugës së drejtë, pasi qetë të qëndrueshëm në të, që e keqja të mos ju prekë, meqë penguat nga rruga e Allahut dhe që të mos jetë fati juaj një ndëshkim i madh.” (Nahl, 94)
6675. Nga: Abdullah ibn Amër ibn Asi
Muhamed ibn Mukatili na ka thënë: Na ka rrëfyer Nadri, e këtij i ka rrëfyer Shuajbi, e këtij i ka treguar Firasi, e këtij i ka thënë Shabiu se Abdullah ibn Amri (Allahu qoftë i kënaqur me ta!) transmeton se Pejgamberi ﷺ ka thënë: “Mëkatet e mëdha janë: t'i bëhet ortak Allahut, mosrespektimi i prindërve, vrasja e njeriut dhe betimi i rrejshëm.”