Sahihu i Buhariut — Hadithi 6680

Ebu Mameri na ka thënë: Na ka treguar Abdulvarithi, e këtij i ka treguar Ejubi, e ky nga Kasimi, e ky nga Zehdemi se Ebu Musa Eshariu (Allahu qoftë i kënaqur me të!) tregon: “Me disa pjesëtarë të fisit eshari shkuam tek i Dërguari i Allahut ﷺ që t'i kërkojmë kafshë udhëtimi, porse qëlluam kur ishte i hidhëruar. Si pasojë, ai u betua se nuk do të na japë kafshë për udhëtim. Pastaj tha: “Betohem në Allahun se, me lejen e Tij, sa herë që betohem për diçka, ndërkohë kuptoj se ka një zgjidhje më të mirë, veproj atë që është më e mira dhe e shpaguaj betimin.”