Sahihu i Buhariut — Hadithi 6682
19. Nënkapitulli: Kur dikush thotë: "Betohem në Allahun se sot nuk do të flas, pastaj falet, lexon, merr tekbir (Allahu ekber), e lavdëron Allahun (elhamdulilah) ose thotë 'la ilahe ilallah', kjo është sipas nijetit (qëllimit) që ka pasur."
Pejgamberi ﷺ ka thënë: "E folmja më e mirë është në katër gjëra: 1. Subhanallah, 2. Elhamdulilah, 3. La ilahe ilallah, 4. Allahu Ekber." Ebu Sufjani ka thënë: "Pejgamberi ﷺ i pati shkruar Herakliut: "... Ejani (të bashkohemi) në një fjalë që është e njëjtë (e drejtë) mes nesh dhe mes jush! ..." (Ali Imran, 64) Muxhahidi, në lidhje me ajetin: "... fjalën e takvasë ..." (Fet'h, 26), ka thënë: "(Është për qëllim fjala) la ilahe ilallah."
6682. Nga: Ebu Hurejra
Kutejbe ibn Seidi na ka thënë: Na ka treguar Muhamed ibn Fudajli, e këtij i ka treguar Umare ibn Kaëkai, e ky nga Ebu Zura se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Dy fjalë janë të lehta për gjuhën, të rënda në Peshore dhe të dashura për Mëshiruesin: “Subhanallahi ve bihamdihi, subhanallahil Adhim (i Lartësuar qoftë Allahu dhe Atij i takon falënderimi, i Lartësuar qoftë Allahu i Madhëruar)!”