Sahihu i Buhariut — Hadithi 6697
29. Nënkapitulli: Nëse në kohën paraislame është zotuar a betuar se nuk do t’i flasë dikujt e pastaj e pranon Islamin
6697. Nga: Omer ibn Hatabi
Muhamed ibn Mukatil Ebu Haseni na ka thënë: Na ka rrëfyer Abdullahu, e këtij i ka rrëfyer Ubejdullah ibn Omeri, e ky nga Nafiu se Ibn Omeri tregon se Omeri (Allahu qoftë i kënaqur me ta!) pyeti: “O i Dërguari i Allahut, në kohën paraislame jam zotuar se në Xhaminë e Shenjtë (Qabenë) do të bëj itikaf një natë.” Pejgamberi ﷺ iu përgjigj: “E po, përmbushe zotimin tënd.”