Sahihu i Buhariut — Hadithi 6699
30. Nënkapitulli: Ai që ka vdekur pa e përmbushur zotimin
Ibn Omeri i tha një gruaje, nëna e së cilës ishte zotuar se do të falej në Kuba: "Falu për të. E njëjta gjë transmetohet edhe nga Ibn Abasi."
6699. Nga: Abdullah ibn Abasi
Ademi na ka thënë: Na ka treguar Shuëbe, e ky nga Ebu Bishri, e ky e ka dëgjuar Seid ibn Xhubejrin se Ibn Abasi (Allahu qoftë i kënaqur me të!) ka thënë: “Një burrë erdhi te Pejgamberi ﷺ dhe i tha: “Motra ime qe zotuar se do ta kryejë haxhin, por ka vdekur (pa e bërë atë).”
- “Çfarë mendon, sikur motra jote të kishte borxh, a do t'ia paguaje?” - e pyeti Pejgamberi ﷺ.
- Po, - iu përgjigj ai.
- “Kryeje borxhin ndaj Allahut, sepse Allahu është më Meritori që të kryhen obligimet ndaj Tij”, - tha Pejgamberi ﷺ.”