Sahihu i Buhariut — Hadithi 6708
1. Nënkapitulli: Fjala e Allahut të Madhëruar: “... E shpagimi i tij (i betimit të bërë) është të ushqyerit dhjetë të varfër...”
Si dhe ajo që urdhëroi Pejgamberi ﷺ kur zbriti ajeti: “... Le ta shpaguajë me agjërim, ose lëmoshë ose kurban...” (Bekare, 196) Nga Ibn Abasi, Atai dhe Ikrime transmetohet se kanë thënë: "Sa herë që përmendet në Kuran “ose, ose,” atëherë personi mund të zgjedhë njërën prej gjërave të përmendura. Pejgamberi ﷺ ia mundësoi Kabit të zgjedhë në shpagim."
6708. Nga: Kab ibn Uxhrai
Ahmed ibn Junusi na ka thënë: Na ka treguar Ebu Shihabi, e ky nga Ibn Avniu, e ky nga Muxhahidi, e ky nga Abdurrahman ibn Ebu Lejla se Kab ibn Uxhrai (Allahu qoftë i kënaqur me të!) tregon: “Shkova te Pejgamberi ﷺ, i cili më tha: “Afrohu (të të shoh)!” Kur iu afrova, më pyeti:
- “Po të mundojnë morrat, vallë?”
- Po, - ia ktheva.
Atëherë m'u drejtua: “(Rruaje kokën dhe) Shpaguaje këtë me agjërim, ose me lëmoshë, ose me kurban.”
Ibn Avniu më ka rrëfyer nga Ejubi se (Pejgamberi ﷺ) ka thënë: “... agjërimi është tri ditë, kurbani është një dele dhe të varfrit janë gjashtë.”