Sahihu i Buhariut — Hadithi 6726
3. Nënkapitulli: Fjala e Pejgamberit ﷺ: “Ne nuk trashëgohemi, ndërsa ajo që e kemi lënë është lëmoshë.”
6726. Nga: Aishe bint Ebu Bekri
Aishja (Allahu qoftë i kënaqur me të!), duke vazhduar hadithin paraprak, tregon se Ebu Bekri u tha: “E kam dëgjuar të Dërguarin e Allahut ﷺ duke thënë: “Ne nuk trashëgohemi. Atë që lëmë, mbetet sadaka. Ajo është pasuri prej së cilës do të ushqehen vetëm familja e Muhamedit.” Ebu Bekri tha: “Betohem në Allahun se, atë që e kam parë të Dërguarin e Allahut ﷺ duke e bërë, as unë nuk e lë pa bërë.”
Qysh atëherë, Fatimja e bojkotoi Ebu Bekrin dhe nuk i foli derisa ndërroi jetë.”