Sahihu i Buhariut — Hadithi 6735
7. Nënkapitulli: Trashëgimia e djalit të djalit, nëse nuk është djali
Zejdi ka thënë: "Djali i djalit është në vend të djalit, nëse mbi të nuk ka fëmijë mashkull. Nipit i takon aq sa i takon djalit, ndërsa mbesës i takon aq sa i takon vajzës. Edhe nipat trashëgojnë siç trashëgojnë djemtë, e edhe nipat janë pengesë për dikë në trashëgimi siç janë pengesë djemtë për dikë në trashëgimi. Djali i djalit (nipi) nuk trashëgon nëse djali është i gjallë (axha i nipit)."
6735. Nga: Abdullah ibn Abasi
Muslim ibn Ibrahimi na ka thënë: Na ka treguar Vuhejbi, e këtij i ka treguar Ibn Tavusi, e ky nga babai i tij se Ibn Abasi (Allahu qoftë i kënaqur me të!) transmeton se i Dërguari i Allahut ﷺ ka thënë: “Jepjani pjesën e trashëgimisë atyre që u takon, e ajo që tepron, i përket mashkullit më të afërt në hise.”