Sahihu i Buhariut — Hadithi 6746
15. Nënkapitulli: Dy bijtë e axhës: kur njëri është vëlla prej nënës, kurse tjetri bashkëshort
Aliu ka thënë: "Bashkëshortit i takon gjysma, vëllait prej nënës i takon një e gjashta, kurse pjesa e mbetur u ndahet për gjysmë."
6746. Nga: Abdullah ibn Abasi
Umeje ibn Bistami na ka thënë: Na ka treguar Jezid ibn Zureji, e ky nga Revhu, e ky nga Abdullah ibn Tavusi, e ky nga babai i tij se Ibn Abasi (Allahu qoftë i kënaqur me të!) transmeton se Pejgamberi ﷺ ka thënë: “Jepjani pjesën e trashëgimisë atyre që u takon, e ajo që tepron, i përket mashkullit më të afërt në hise.”