Sahihu i Buhariut — Hadithi 6792
13. Nënkapitulli: Ajeti: “Vjedhësit dhe vjedhëses prituani duart...” si dhe përmasat e prerjes
Aliu e zbatonte ndëshkimin në kyçin e dorës (shuplakës). Katadja tregon për një grua që kishte vjedhur se i ishte prerë dora e majtë (në kyç), e jo më shumë se kaq.
6792. Nga: Aishe bint Ebu Bekri
Othman ibn Ebu Shejbe na ka thënë: Na ka treguar Abde, e ky nga Hisham ibn Urve, e ky nga babai i tij se Aishja (Allahu qoftë i kënaqur me të!) tregon se në kohën e Pejgamberit ﷺ dora nuk pritej për vlera më të vogla se vlera e një mburoje.
Othmani na ka thënë: “Njëjtë na ka treguar Humejd ibn Abdurrahmani, e këtij i ka treguar Hishami nga babai i tij, e ky nga Aishja.”