Sahihu i Buhariut — Hadithi 6821
26. Nënkapitulli: Kush vepron një mëkat më të vogël sesa mëkatet për të cilat ka ndëshkim të përcaktuar e pastaj i tregon udhëheqësit për të, nuk ka dënim nëse pendohet dhe ka ardhur për të pyetur
Atau thotë: "Pejgamberi ﷺ nuk e ka ndëshkuar personin e tillë (siç përmendet në nënkapitull)." Ibn Xhurejxhi thotë: "Nuk e ka ndëshkuar atë që ka bërë marrëdhënie intime agjërueshëm gjatë Ramazanit e as Omeri nuk e ka ndëshkuar gjahtarin e antilopës, i cili ishte me ihram."
6821. Nga: Ebu Hurejra
Kutejbe na ka thënë: Na ka treguar Lejthiu, e ky nga Ibn Shihabi, e ky nga Humejd ibn Abdurrahmani se Ebu Hurejra (Allahu qoftë i kënaqur me të!) tregon se një njeri kishte bërë marrëdhënie intime me gruan e vet në Ramazan (gjatë ditës). Pasi e pyeti Pejgamberin ﷺ për këtë, ai i tha:
- “A mund të gjesh ndonjë rob (për ta liruar)?”
- Jo, - tha ai.
- “A mund të agjërosh dy muaj rresht?”
- Jo, - ia ktheu.
- “Atëherë ushqeji gjashtëdhjetë të varfër!” - i tha Pejgamberi ﷺ.