Sahihu i Buhariut — Hadithi 6835
34. Nënkapitulli: Kur dikush urdhërohet për ta zbatuar ndëshkimin në vend të prijësit, pa praninë e tij
6835. Nga: Ebu Hurejra - Zejd ibn Halid Xhuheniu
6835, 6836 - Asim ibn Aliu na ka thënë: Na ka treguar Ibn Ebu Dhiëbi, e ky nga Zuhriu, e ky nga Ubejdullahu se Ebu Hurejra dhe Zejd ibn Halidi (Allahu qoftë i kënaqur me ta!) rrëfejnë: “Teksa Pejgamberi ﷺ po rrinte, erdhi një beduin dhe i tha: “O i Dërguari i Allahut, gjyko mes nesh me Librin e Allahut!” Hasmi i tij u ngrit dhe tha: “Mirë e ka, gjyko mes nesh me Librin e Allahut, o i Dërguari i Allahut!” Beduini vazhdoi: “Djali im ishte argat te ky dhe bëri zina me gruan e tij.” Më thanë: “Biri yt duhet të dënohet me gurëzim.” Por, unë e shpagova djalin tim me njëqind dele dhe një shërbëtore. Më pas, i pyeta dijetarët, e ata më thanë: “Biri yt duhet të dënohet me njëqind goditje kamxhiku dhe të dëbohet për një vit.”
Pejgamberi ﷺ i tha: “Betohem në Atë, në Dorën e të Cilit është shpirti im se, do të gjykoj mes jush me Librin e Allahut. Sa u përket deleve dhe shërbëtores, duhet të të kthehen, kurse djali yt duhet të dënohet me njëqind goditje kamxhiku dhe dëbim nga vendi për një vit. Ndërkaq, ti, o Unejs, shko te gruaja e këtij dhe gurëzoje.” Unejsi shkoi dhe e gurëzoi.”