Sahihu i Buhariut — Hadithi 6930
6. Nënkapitulli: Vrasja e havarixhëve dhe ateistëve pasi t'u qartësohet argumenti
Allahu i Lartësuar ka thënë: “Allahu nuk e humb një popull pasi ta ketë udhëzuar atë, para se t’u sqarojë atyre se prej çka duhet ruajtur. Allahu është i gjithëdijshëm për secilin send.” (Teube, 115) Ibn Omeri konsideronte se havarixhët janë krijesat më të këqija të Allahut dhe thoshte: "Ata i marrin ajetet që kanë zbritur për jobesimtarët dhe i zbatojnë te besimtarët."
Sahihu i Buhariut > Kërkimi i pendimit nga felëshuesit dhe refuzuesit, si dhe lufta kundër tyre > Hadithi 6930
6930. Nga: Ali ibn Ebu Talibi
Omer ibn Hafs ibn Gijathi na ka thënë: Na ka treguar babai im, e këtij i ka treguar Ameshi, e këtij i ka treguar Hajtheme, e këtij i ka treguar Suvejd ibn Gafele se Aliu (Allahu qoftë i kënaqur me të!) ka thënë: “Kur ju tregoj diçka nga i Dërguari i Allahut ﷺ, për mua është më e dashur të bie nga qielli (në tokë) sesa të gënjej për të. Ndërkaq, kur bisedojmë mes vete, dijeni se lufta është dinakëri. E kam dëgjuar të Dërguarin e Allahut ﷺ të thotë: “Para Kiametit do të paraqiten një grup njerëzish axhami e mendjelehtë: flasin fjalët më të mira ndër njerëz (me Kuran), porse imani i tyre nuk arrin të kalojë përtej fytit të tyre, por dalin nga feja ashtu siç del shigjeta anë e përtej gjahut. Kudo që t'i takoni (gjatë luftimit), vritini, sepse në Ditën e Kiametit vrasësi shpërblehet për vrasjen e tyre.”