Sahihu i Buhariut — Hadithi 6934
7. Nënkapitulli: Mosluftimi i havarixhëve për t’i afruar, si dhe për të mos i larguar njerëzit prej vetes
Sahihu i Buhariut > Kërkimi i pendimit nga felëshuesit dhe refuzuesit, si dhe lufta kundër tyre > Hadithi 6934
6934. Nga: Sehël ibn Hunejfi
Musa ibn Ismaili na ka thënë: Na ka treguar Abdulvahidi, e këtij i ka treguar Shejbaniu se Jusejr ibn Amri tregon se e ka pyetur Sehël ibn Hunejfin: “E ke dëgjuar Pejgamberin ﷺ të ketë thënë diç për havarixhët?” Ai tha: “E kam dëgjuar duke thënë, - dhe bëri me shenjë nga Iraku: “Prej atje do të dalin njerëz që e lexojnë Kuranin, por që (ky lexim) nuk arrin të kalojë përtej fytit të tyre. Dalin prej Islamit ashtu siç del shigjeta anë e përtej gjahut.”